கரோனா பரவல் காரணமாக ஸ்ரீரங்கத்தில் சித்திரை தேரோட்டம் ரத்து செய்யப்பட்டது. அதற்கு பதிலாக கடந்த 9ம் தேதி தங்க கருட சேவை நடைபெற்றது.
நம்பெருமாள் கடந்த 9ம் தேதி அதிகாலை 4.30 மணிக்கு கண்ணாடி அறையிலிருந்து புறப்பட்டு 5 மணிக்கு கருட மண்டபம் சேர்ந்தார். அங்கு ஸ்ரீவில்லிபுத்தூர் ஆண்டாளின் கிளி மாலையுடன் தங்க கருட வாகனத்தில் எழுந்தருளினார்.
பின்னர் காலை 7.30 மணிக்கு நம்பெருமாள் சந்திர புஷ்கரணி குளத்தில் தீர்த்தவாரி கண்டருளிய பின் 9 15 மணிக்கு ரேவதி மண்டபத்தில் சேர்ந்து 12:00 மணியிலிருந்து 3 மணி வரை திருமஞ்சனம் கண்டருளி இரவு 7 மணிக்கு புறப்பட்டு கண்ணாடி அறைக்கு சென்றார்.
