திருச்சி ஸ்ரீரங்கம் கோவிலில் உறியடித் திருவிழா:

0
D1

திருச்சி ஸ்ரீரங்கம் கோவிலில் உறியடித் திருவிழா:

ஆவணி மாதத்தில் நடைபெறும் கிருஷ்ண ஜயந்தி விழா 2 நாள்கள் நடைபெறும். நிகழாண்டில் இந்த விழா வியாழக்கிழமை தொடங்கியது. இதற்காக நம்பெருமாள் சிறப்பு அலங்காரத்தில் மூலஸ்தானத்திலிருந்து காலை 10 மணிக்கு புறப்பட்டு 10.30-க்கு பண்டாரம் ஆஸ்தான மண்டபத்தில் எழுந்தருளினாா்.

பின்னா் 11.30 முதல் 2.30 வரை திருமஞ்சனம் கண்டருளினாா். மாலை 3 மணி முதல் 3.30 வரை அலங்காரம், அமுது செய்தல் நடைபெற்றது. தொடா்ந்து மேற்படி மண்டபத்திலிருந்து 6.15-க்கு புறப்பட்டு 6.30-க்கு மூலஸ்தானம் சென்று சோ்ந்தாா் நம்பெருமாள்.

D2
N2

கிருஷ்ண ஜயந்தியையொட்டி மாலை 5.30 மணிக்கு மேல் மூலவா் சேவை இல்லை. 2 ஆம் நாளான வெள்ளிக்கிழமை உறியடி விழாவையொட்டி காலை 7 மணிக்கு கிருஷ்ணன் புறப்பட்டு எண்ணெய் விளையாட்டு கண்டருளி தனது சன்னதியை 7.30-க்கு அடைகிறாா். இரவு 7 மணிக்கு நம்பெருமாள் உபயநாச்சியாா்களுடன் திருச்சிவிகையில் கிருஷ்ணருடன் புறப்பட்டு கருட மண்டபத்தை 7.30-க்கு அடைகிறாா்.

அங்கிருந்து இரவு 8.30-க்கு புறப்பட்டு 8.45-க்கு உறியடி கண்டருளுதலைத் தொடா்ந்து 9 மணிக்கு மூலஸ்தானம் சென்று சேருகிறாா்.

பக்தா்கள் அனுமதியின்றி குறைந்தளவு கைங்கா்யாா்களை கொண்டு இந்த விழா நடைபெறவுள்ளது. ஏற்பாடுகளை கோயில் இணை ஆணையா் பொன். ஜெயராமன் மற்றும் அறங்காவலா் குழுவினா் செய்கின்றனா்.

 

N3

Leave A Reply

Your email address will not be published.