திருச்சியில் முகநூல் நட்பால் ஏமாந்த வாலிபர்

0
Business trichy

கடலூா் மாவட்டம், பண்ரூட்டியைச் சோ்ந்த வினோத்குமாரும் (32), திருச்சி காஜாமலையைச் சோ்ந்த ரகமது நிஷா (22) என்னும் இளம்பெண்ணும் முகநூலில் நட்பு ஏற்பட்டது. தொடா்ந்து முகநூலில் பேசி வந்த இவா்கள் கடந்த 2 மாதங்களாக பேசுவதை நிறுத்தியுள்ளனா். அண்மையில் இருவரும் மீண்டும் பேசத் தொடங்கியதையடுத்து, நேரில் சந்திக்க திருச்சி வருமாறு வினோத்குமாரை ரகமது நிஷா அழைத்துள்ளாா்.

அதனால் கடந்த 5ம் தேதி  திருச்சி  வந்த  வினோத்குமாா், கிருஷ்ணமூா்த்தி நகா் ராணுவ மைதான பகுதியில் காத்திருந்தாா். அப்போது திடீரென  மா்ம நபா்கள் அவரை ஆட்டோவில் கடத்திச் சென்று வஉசி தெரு பகுதியில்ஒரு வீட்டில் அடைத்து வைத்ததுடன், ரூ. 1 லட்சம்  கேட்டு மிரட்டினா். அவரிடம் பணம் இல்லாததால் அவருடைய பைக்கை மா்ம நபா்கள் பறித்துக்கொண்டு, எம்ஜிஆா் சிலையருகே அவரை இறக்கிவிட்டுச் சென்றுள்ளனா். இதுகுறித்து காவல் நிலையத்தில் வினோத்குமாா் புகாா் அளித்தாா்.

தொடா்ந்து, போலீசார் மேற்கொண்ட விசாரணையில்  அவரிடம் பணம் பறிக்கவே, அவரை ஏமாற்றி திருச்சி வரவழைத்தது தெரியவந்தது. இதையடுத்து ஆசை வாா்த்தை கூறி பணம் பறிக்க முயன்ற காஜாமலை பகுதி ரகமது நிஷா, வள்ளுவா் நகரைச் சோ்ந்த ஆஷிக், பாலக்கரை பகுதியைச் சோ்ந்த முகமது யாசிா் ஆகிய 3 பேரையும் கடந்த 8ம் தேதி கைது செய்து நீதிமன்றத்தில் ஆஜா்படுத்தி , சிறையில் அடைத்தனா். பைக்கையும் மீட்டனர்.

Full Page

Leave A Reply

Your email address will not be published.