மனோகரன் அமமுகவில் தொடர்வாரா?

0
Full Page

ஆர். மனோகரன் (R. MANOHARAN 2+4+1+5+7+5+1+2+1+5 = 33 = 3+3 = 6 – DOB 8-4-1956 = 8+4+1+9+5+6=6)
ஆர். மனோகரன் முன்னாள் அதிமுக கொறடா தற்போது அமமுக அமைப்பு செயலாளர் மற்றும் மாவட்ட செயலாளர் ஆவார். இவர் பிறந்த தேதி 8, பிறந்த தேதி மாதம் வருடம் மூன்றையும் கூட்டினால் வரும் எண் 6. இவரின் (R. MANOHARAN (2+4+1+5+7+5+1+2+1+5 = 33 = 3+3 = 6) பெயர் எண்ணும் எண் 6 வருகிறது.
எண் 8 சனியை குறிக்கும் எண் 8 நியாயாதிபதி. நீதிமான். இவர்களைப் போல் இரக்க குணம் உள்ளவரும் இல்லை. இவர்களைப் போல் கொடூரமானவர்களும் இல்லை. எண் 8 காரர்கள் வாழ்ந்தபின் பேசப்படுவார்கள். எட்டாம் எண்காரர்கள் ஒருவரை திட்டினால் எதிராளி வளருவார். எதிராளி இவரை திட்டினால் எதிராளி தேய்வார்.

 

எண் 8 காரர்கள் அடுத்தவர்களுக்கு எந்த வேலையையும் எந்த பதவியையும் போராடி வாங்கி தர முடியும் இவர்கள் அடுத்தவர்களுக்காக வாழ்பவர்கள். தனக்கு என்று வரும்போதுதான் நினைத்தது நடக்கவில்லை என்று வருத்தப்படுவர்.
ஆர். மனோகரன் ஒருமுறை அதிமுக மாவட்ட செயலாளர் ஆக இருக்கும் போது எங்கள் பகுதியில் பொதுக்கூட்ட மேடையை பார்வையிட வந்தவரிடம் “மறைந்த மூத்த அதிமுக நண்பர் “புத்தூர் ஹரிகிருஷ்ணன்” என்பவர் ஆர். மனோகரனிடம் என்னை அறிமுகப்படுத்தி அண்ணன் பிறந்ததேதி பார்த்து அமைச்சர் ஆவாரா என்று கூறுங்கள் என்று கூறினார். நான் பிறந்த தேதி மாதம் வருடம் மூன்றையும் கேட்டுவிட்டு ஆர். மனோகரனிடம் நீங்கள் பிறந்த தேதி 8 இது சனியை குறிக்கும். அதனால் உங்களுக்கு நீங்கள் ஆசைப்பட்ட அமைச்சர் பதவி கிட்டாது. ஆனால் வேறு ஒரு நல்ல பதவி கிடைக்கும் என்று கூறினேன். அதே போல் அவருக்கு அதிமுக சட்டமன்ற தலைமை கொறடா என்ற அந்தஸ்து உள்ள பதவி கிடைத்தது.
எண் 8 காரர்கள் ஒருவரை பிடித்து விட்டால் அவர்களிடம் அன்பாகவும் விசுவாசமாகவும் இருப்பார்கள். அதேசமயம் அவர்களிடம் தவறாக நடக்க முயற்சித்தால் குரல்வளையை நெறிக்கவும் தயங்காதவர். இது பெயர் எண் 8 உடைய மு.அன்பழகன் போன்ற எட்டாம் எண் உள்ள அனைவருக்கும் பொருந்தும்.
(டிடிவி.தினகரன் DOB 13-12-1963)
ஆர். மனோகரன் வளர்ந்தது முழுவதும் சசிகலாவால் தான். அதனால் டிடிவி தினகரன் நடத்தும் அமமுகவில் இணைந்து தன் விசுவாசத்தை காண்பிக்கிறார்.

 

 

பலர் அழைத்தும் அவர் தினகரன் அணியில் இருந்து அதிமுகவிற்கு செல்லவில்லை.
எண் 6 சுக்கிரனை குறிக்கும். எண் 6ல் எண் 33 பராசக்தி அருள் பெற்ற எண்ணாகும். அதனால் இவருக்கு கடவுள் அருள் உள்ளது. எண் 6க்கு கடவுளாக இருந்தாலும் எதிர்க்கும் குணம் உண்டு. இவ்வெண்காரர்கள் பிடிவாதம் பிடித்தால் எந்த காரியத்தையும் செய்து முடிக்காமல் தூங்கமாட்டார்கள்.
அரசியல் பதவிகளில் முக்கிய பொறுப்பில் இருந்தால் அடக்குமுறை இருக்கும். பெண்கள் என்றால் ஜெ.ஜெயலலிதா போல் அடக்குமுறை அதிகமாக இருக்கும். இவர் அதிக பேரிடம் பழகினாலும் குறிப்பிட்ட சிலரிடம் அதிக நட்பு வைத்திருப்பர்.
இவர் புதியவர்களுக்கு பதவி கொடுக்கும் குணம் உள்ளவர். பக்கத்தில் உள்ளவருக்குக் கூட பதவி இருக்காது. தூரத்தில் உள்ள சாமானியருக்கு பதவி கிட்டும். பொதுவாக 6ம் தேதிக்காரர்கள் பெரிய பதவியில் இருந்தால் இவர்களால் பதவி கிட்டியவர்கள் உச்சத்தை தொடுவார்கள். காமராஜருக்கு ஜனாதிபதி வெங்கட்ராமன், ஜெயலலிதாவிற்கு பன்னீர்செல்வம், எடப்பாடி கே.பழனிச்சாமி, ஆர்.மனோரனால் தேர்வு செய்யப்பட்ட வளர்மதி, வெல்லமண்டி நடராஜன் இவர்களே உதாரணம்.

 

Half page

எண் 6 காரர்கள் அனைவரும் தன் நிலைக்கு தகுந்த ராஜாகளை உருவாக்குபவர்கள்.
பொதுவாக எண் 6 காரர்களுக்கு பதவி திணிக்கப்படும். இவர்கள் பதவியை தேடி செல்லமாட்டார்கள். 15ல் பிறந்த காமராஜரை தலைமை பதவிக்கு அழைத்தது தீரர் சத்தியமூர்த்தி. 6ம் எண் பெயர் உடைய இந்திராகாந்தி பிரதமர் பதவியில் அமரச்செய்தது காமராஜர். பிறந்த எண் 6 உடைய ஜெ.ஜெயலலிதாவை அரசியலுக்கு அழைத்தது எம்.ஜி.ஆர். அதேபோல் R. மனோகரனும் பதவியில் சசிகலாவால் கிடைக்கப்பெற்றது.
எண் 6 காரர்கள் புகழ்ச்சிக்கு அடிமையானவர். ஆர்.மனோகரின் பெயர் எண் 6ம் அதிமுக மற்றும் தமிழ்நாட்டிற்கு இராசியான எண் ஆகும். அதேபோல் திருச்சி (TRICHY = 4+2+1+3+5+1 = 16 = 7க்கும்) எண் 7க்கும் எண் 6 ராசியானது. அதனால் தான் அதிமுகவில் அதிகநாள் மாவட்ட செயலாளர் ஆக இருக்க முடிந்தது. ஜெ.ஜெயலலிதா ஜாதகம் பார்த்து பதவி கொடுப்பவர். அதனால் தான் தன் பிறந்த தேதி ஆர்.மனோகரன் எண் 6 இராசியானது என்பதால் அவரை மாவட்ட செயலாளர் பதவியில் மாற்றாமல் நெடுநாள் வைத்திருந்தார்.

 

ஆனால் தேர்தல் சமயத்தில் கே.என்.நேருவிற்கு எதிராக சரியான வேட்பாளரை நிறுத்தவில்லை என்பதாலும் ஆர். மனோகரன் தோற்றதாலும் அவரின் மாவட்டச் செயலாளர் பதவி பறிக்கப்பட்டது. பொதுவாக ஒருவர் நல்லவரோ, கெட்டவரோ தன் இணக்கமான ராசிக்காரர்களை அருகில் வைத்திருந்தால் வளர்ச்சி. எதிர் ராசியினரை தன் அருகில் வைத்திருந்தால் வீழ்ச்சி. ஆர்.மனோகரன் பதவி பறிக்கப்பட்டது, ஜெ.ஜெயலலிதாவின் வீழ்ச்சிக்கு வித்திட்டது.
எண் 6 உடைய ஆர்.மனோகனுக்கு 21ல் பிறந்த முன்னாள் நாடாளுமன்ற உறுப்பினர் குமார்(21.4.1971) எதிர் எண் ஆவார். இவரின் தோல்விக்கு இவரும் ஒரு காரணம். ஏனெனில், எண் 6க்கு எண் 3 எதிர் எண். இவர் ஒருவர் அருகில் இருந்தால் தலைவனுக்கும் பலம். அதனால் விசுவாசத்தை வைத்து டிடிவி இவரை தன் அருகில் வைத்துக் கொண்டார். முதல்வர் கே.பழனிச்சாமி (K.PALANI SWAMI 2+8+1+3+1+5+1+3+6+1+4+1 = 36 = 3+6= 9) பெயர் எண் 9 டிடிவியின் பிறந்த தேதிக்கு (13 = 1+3 = 4) எதிர் எண். ஆனால் முதல்வரின் பிறந்த தேதி மாதம் வருடம் மூன்றையும் கூட்டினால் (2+3+1954 2+3+1+9+5+4 = 24 = 6) வரும் எண் 6 இது மனோகரனுக்கு இராசியான எண் ஆகும். அதனால் தனக்கு ராசியான நபரான ஆர். மனோகரனை டிடிவி தக்க வைப்பாரா அல்லது அன்பாலோ அல்லது அழுத்தத்தாலோ முதல்வர் எடப்பாடி கே.பழனிச்சாமி தன் இராசிக்காரரான ஆர். மனோகரனை தன்னிடம் இழுப்பாரா விதி முடிவு செய்யும்.

-சுரேஷ் ஆழ்வார்

Quarter page

Leave A Reply

Your email address will not be published.