மனைவி கழுத்து அறுத்துக்கொலை.. சந்தேக கணவன் திருச்சி போலீசில் சரண்
திருச்சி மாவட்டம் மண்ணச்சநல்லூரை அடுத்த வடக்கு ஈச்சம்பட்டி கிராமம் நடுத்தெருவைச் சேர்ந்தவர் பாலச்சந்தர் (39). இவரது மனைவி மகாலட்சுமி (36). கடந்த 2 ஆண்டுகாலமாக வெளிநாட்டில் வேலை பார்த்த பாலச்சந்தர் கடந்த சில மாதங்களுக்கு முன்பு சொந்த ஊருக்கு வந்தார். தான் அனுப்பிய பணம் எங்கே? என கேட்டு சண்டை போட்ட பாலச்சந்தருக்கு தனது மனைவியின் நடவடிக்கையில் சந்தேகமும் இருந்தது. இன்று அதிகாலை 4.30 மணியளவில் 2 குழந்தைகளுடன் தூங்கிக்கொண்டிருந்த மகாலட்சுமியின் கழுத்தை அறுத்து விட்டு பாலச்சந்திர் ஓடி விட்டார்.
இந்த சம்பவத்தில் காயமடைந்த மகாலட்சுமி பரிதாபமாக இறந்தார். இந்த நிலையில் காலை 8 மணியளவில் மண்ணச்சநல்லூர் போலீஸ் நிலையத்தில் பாலசந்தர் சரண் அடைந்தார்.
