குங்குமவல்லி தாயார் உடனுறை தான்தோன்றீஸ்வரர் ஆலயம்

0
1 full

கடவுள் என்றாலே ஒவ்வொரு மதத்திற்கும் ஒரு நம்பிக்கை உண்டு. அதிலும் ஏன்? எதற்கு? எப்படி? என்ற கேள்விகள் கேட்காத நம்பிக்கை மட்டும் தான் இங்குப் பலரை வாழ வைத்துக் கொண்டிருக்கிறது என்றே சொல்லலாம். உளவியல் ரீதியாக ஒவ்வொரு மனிதனும் தன்னுடைய பிரச்சனைக்கான தீர்வு இங்கு தான் கிடைக்கும் என்று நம்புகிறார்கள். அப்படி அறிவியலையும் பொய்யாக்கும் பல சமயம் சார்ந்த கோவில்கள் இங்கு உள்ளது. அதில் ஒன்றைப்பற்றி தான் இந்தக் கட்டுரையில் நாம் பார்க்கப் போகிறோம்.

திருச்சி உறையூரில் வரலாற்று சிறப்பு மிகுந்த தான்தோன்றீஸ்வரர் ஆலயம் அமையப்பெற்றுள்ளது. இவ் ஆலயம் பலநூறு வருடங்களுக்கு முன்பு உறையூரை ஆட்சி செய்து கொண்டிருந்த சூரவாதித்த சோழன் இந்திரன் மற்றும் நாகராஜனின் அனுமதியோடு நாககன்னிகைகளில் ஒரு பெண்ணான காந்திமதி என்பவரை மணந்தார். சிவ பக்தியில் மிகவும் சிறந்து விளங்கிய அப்பெண் திருசிர மலையில் எழுந்தருளியிருந்த தாயுமான சுவாமியை வழிபாடு செய்து வந்தார். மிகுந்த பக்தி உடையவராக இருந்த காந்திமதி கர்ப்பவதியானாள். அந்தக் காலகட்டத்தில் வெயிலின் தாக்கம் அதிகரித்து தன்னால் தாயுமானவரைத் தரிசிக்க முடியாமல் போனதை நினைத்து கண்ணீர் விட்டு பிரார்த்தனை செய்துள்ளார். வேண்டுதலைக் கேட்ட தாயுமானவர் இறங்கி ரிஷபாரூடமாக (பசுவின் மேல் அமர்ந்து இருக்கும் சிவன்) காட்சி தந்து, உன்னுடைய மகப்பேறு காலம் வரை நீ என்னை இதே இடத்தில் தரிசிக்கலாம் எனக்கூறி நாககன்னிக்குக் காட்சி அளித்துள்ளார். இறைவழிபாட்டிற்காகச் சென்ற சாரமாமுனிவா் நந்தவனம் பகுதிக்கு பூப்பறிக்க சென்றபோது இந்தக் காட்சியை  பார்த்தார்.

இப்புராண சான்றாகவும் கர்ப்பவதியான காந்திமதி அம்மையின் நினைவாகத் தான் ஒவ்வொரு வருடமும் தை மாதம் மூன்றாம் வெள்ளிக்கிழமை கர்ப்பமாக உள்ள பெண்களுக்காகவும், குழந்தை பாக்கியம் வேண்டியும், திருமணத் தடை நீங்கவும் பொன், காப்பு, வெள்ளிக்காப்பு, வேப்பிலைக்காப்பு உள்ளிட்டவை அணிவித்துச் சிறப்பு பூஜைகள் நடத்தப்பட்டு வருகின்றது.  இங்கு கோவில் கொண்டுள்ள அம்பாள் கும்குமவல்லி தாயாருக்கு இவ்வாறு சிறப்பு பூஜைகள் நடத்தப்பட்டு வருகின்றது.

2 full

முதல்நாள் கர்ப்பிணி பெண்களுக்கு சுகப்பிரசவம் வேண்டி  பிரசாதம் வழங்கப்படும்.

இரண்டாம் நாள் சந்தான பாக்கியம் வேண்டி வரும் பெண்களுக்கு  அம்பாளுக்கு சாற்றப்பட்ட வளையல்களுடன் பிரசாதம் வழங்கப்படும்.

3ம் நாள் அம்பாள் கல்யாண கோலத்துடன் காட்சி தருகிறாள். அப்போது அவரை தரிசனம் செய்வதால் மணமாகாத ஆண், பெண் இருபாலருக்கும் திருமணம் நடைபெற வேண்டி அர்ச்சனை செய்து பிரசாதம் வழங்கப்படும்.

இந்தக் கோவில் வளாகத்திற்குள் சிவன், பாதாள காளி, வராகி, அஷ்ட பைரவர், நவக்கிரக கல்யாண திருக்கோலம் உள்ளிட்ட கோவில்கள் அடங்கி உள்ளது.

இங்குப் பல்லாயிரக்கணக்கான மக்கள் வந்து வழிபாடு நடத்தி செல்கின்றனர். குறிப்பாக தான்தோன்றீஸ்வரராக அமைந்துள்ள சிவனிடம் திருமணத் தடை நீங்கவும், குழந்தை பாக்கியம் பெறவும், சுகப்பிரசவம் ஆகவும் வழிபாடுகள் நடத்தப்படுகிறது.

அதேபோன்று பில்லி சூனியம், ஏவல், என்று எந்தப் பிரச்சனையையும் தீர்த்து வைக்கும் பாதாளகாளியை நோக்கியும் பலர் இங்கு வந்து செல்கின்றனர். ஒவ்வொரு மாதமும் இரண்டு பிரதேச பூஜைகளும், பௌர்ணமி பூஜை அன்னதானத்துடன் நடைபெறும்.

300 வருடத்திற்கு முன்பு உருவமற்ற நிலையில் வேப்பரமத்தடியில் வழிபாடு நடத்தப்பட்டு வந்தது. நாளடைவில் பூஜை குறைந்ததால் அப்பகுதி மக்களின் கனவில் தோன்றி தான் பாதாளத்தில் குடியேறியதாக காளி தெரிவித்ததாகவும், அதன்பின் தான் பாதாள காளிக்கு கோவில் கட்டப்பட்டு பிரதிஷ்டை செய்யப்பட்டதாகவும் கூறுகிறார். மற்றொரு சிறப்பு பாதாளம் முதல் ஆகாயம் வரை ஒரே நேர்கோட்டில் அமைந்துள்ள ஒரே கோவில் இது தான். அமாவாசையன்று மட்டும் இரவு 8.30-10 மணி வரை எந்தவொரு ஆலயத்திலும் இல்லாத வகையில் ஆகாசகாளியை தரிசிக்கலாம். பாதாள காளி, தில்லைக்காளி, ஆகாசகாளி மூவரும் இவ்வாலயத்தில் எழுந்தருளி இருப்பது ஒரு தனிச்சிறப்பாகும்.

வாரத்தில் திங்கட்கிழமை சிவனுக்குப் பூஜையும், வியாழன் தட்சிணாமூர்த்திக்கும், வெள்ளிக்கிழமை வாய் பேச முடியாதவர்களுக்கு காளியிடம் பூஜை செய்து இஞ்சி மற்றும் தேன் கலந்த சாறு கொடுத்து வருகிறோம். கடந்த 18 வருடங்களாக இந்தச் சாறு கொடுக்கப்பட்டு வருகிறது. பேச முடியாதவர்கள் இங்கு வந்து நல்ல முன்னேற்றத்தை பெற்றுள்ளனர். பலர் குணமடைந்தும் உள்ளதாகக் கூறுகிறார்.

ஒவ்வொரு வருடமும் கார்த்திகை மாதம் இறுதியில் துவங்கி மார்கழி மற்றும் தை மாதத்தில் 48 நாட்கள் பெண்களுக்கு என்று மண்டல பூஜையை நடத்தி வருகிறோம்.

இந்த ஆலயமானது இராஜகேசரிவர்மா என்ற சிறப்பு பெயர் பெற்ற ஆதித்த சோழன் காலத்தில் (கி.பி.871-907) கட்டப்பட்டது என்ற டாக்டர் கலைக்கோவன் தனது நூலில் குறிப்பிட்டுள்ளார்.

மார்கழிமாதத்தில் 48 நாட்கள் ஹோமம்  பூஜை திரிசதி தொடங்கப்படும். 48வது நாள் வளைகாப்பு நடைபெறும்.

3 half

Leave A Reply

Your email address will not be published.